വനിതാ എസ്പിയുടെ പീഡന പരാതി; തമിഴ്നാട് മുൻ ഡിജിപിക്കെതിരെ ഹൈക്കോടതി കേസെടുത്തു
Mar 1, 2021, 13:44 IST
ചെന്നൈ: വനിതാ എസ്പിയുടെ ലൈംഗീക പീഡന പരാതിയുടെ അടിസ്ഥാനത്തിൽ തമിഴ്നാട് മുൻ ഡിജിപി രാജേഷ് ദാസിനെതിരെ മദ്രാസ് ഹൈക്കോടതി സ്വമേധയാ കേസെടുത്തു. കേസ് എഡിജിപി റാങ്കിലുള്ള ഉദ്യോഗസ്ഥ അന്വേഷിക്കണമെന്ന് കോടതി നിര്ദേശിച്ചു.നേരത്തെ തമിഴ്നാട് സിബിസിഐഡി രാജേഷ് ദാസിനെതിരെ കേസെടുത്തിരുന്നു. ഔദ്യോഗീക വാഹനത്തില് വച്ച് പീഡിപ്പിക്കാന് ശ്രമിച്ചുവെന്നാണ് എസ്പിയുടെ പരാതി. ആരോപണം ഉയര്ന്നതിനെ തുടര്ന്ന് രാജേഷ് ദാസിനെ ഡിഐജി പദവിയിൽ നിന്നും മാറ്റിയിരുന്നു.