ടിവി അവതാരകൻ തന്നെ ബലാത്സംഗം ചെയ്തെന്ന പരാതിയുമായി 22 കാരി
Feb 28, 2021, 12:08 IST
ന്യൂഡൽഹി: ടിവി അവതാരകൻ തന്നെ ബലാത്സംഗം ചെയ്തെന്ന പരാതിയുമായി 22 കാരിയായ യുവതി രംഗത്ത്. ഡൽഹിയിലെ ചാണക്യപുരിയിൽ കഴിഞ്ഞയാഴ്ചയാണ് പരാതിക്ക് ആസ്പദമായ സംഭവം.28കാരനായ ടെലിവിഷൻ അവതാരകൻ ഫൈവ് സ്റ്റാർ ഹോട്ടലിൽവെച്ച് ലൈംഗികാതിക്രമം നടത്തിയെന്നാണ് യുവതിയുടെ പരാതി. ഡൽഹിയിലെ ഖാൻ മാർക്കറ്റ് സ്വദേശിയായ യുവതിയെ 28കാരൻ ഹോട്ടലിലേക്ക് കൂട്ടികൊണ്ടുപോകുകയായിരുന്നു. ഇയാളുടെ കുടുംബം അതേ ഹോട്ടലിലായിരുന്നു താമസം. അവിടെയെത്തിയതോടെ യുവാവ് മറ്റൊരു മുറിയെടുത്ത് തന്നെ ബലാത്സംഗം ചെയ്യുകയായിരുന്നുവെന്നാണ് യുവതി പരാതിയിൽ പറയുന്നത്. മുംബൈയിലെ വ്യവസായിയുടെ മകനും ടെലിവിഷൻ അവതാരകനുമാണ് ആരോപണ വിധേയനായ യുവാവ്. യുവതിയുടെ പരാതിയിൽ അവതാരകനെതിരെ കേസെടുത്തതായും പ്രതിയെ ഉടൻ അറസ്റ്റ് ചെയ്യുമെന്നും പൊലീസ് പറഞ്ഞു.