കേരളത്തിൽ എൽഡിഎഫ് ഭരണത്തുടർച്ച നേടുമെന്ന് എബിപി-സീ വോട്ടർ സർവേ
തിരുവനന്തപുരം: കേരളത്തിൽ എൽഡിഎഫ് മുന്നണി ഭരണത്തുടർച്ച നേടുമെന്ന് എബിപി-സീ വോട്ടർ സർവേ പുറത്ത് .
എൽഡിഎഫ് ഏറ്റവും കുറഞ്ഞത് 83 സീറ്റുകൾ നേടുമെന്നും 91 നിയോജക മണ്ഡലങ്ങളിൽ വരെ ജയിക്കുമെന്നും എബിപി-സീ സർവേ ഫലത്തിൽ വ്യക്തമാക്കുന്നു.
140 അംഗങ്ങളുള്ള നിയമസഭയിൽ യുഡിഎഫിന് കേവല ഭൂരിപക്ഷമായ 71 ന് അടുത്ത് എത്താനാകില്ലെന്നും അറിയിച്ചു .
ഏറ്റവും കുറഞ്ഞത് 47 സീറ്റുകളിൽ മാത്രമേ യുഡിഎഫ് വിജയിക്കൂ എന്നും പരമാവധി 55 സീറ്റുകൾ വരെ നേടുമെന്നും എബിപി സർവേ വ്യക്തമാക്കുന്നു.
ബിജെപി രണ്ട് സീറ്റിൽ ജയിച്ചേക്കാമെന്നും ചിലപ്പോൾ ഒരു സീറ്റ് പോലും ലഭിക്കാത്ത സാഹചര്യം ഉണ്ടാകുമെന്നും എബിപി-സീ സർവേയിൽ വ്യക്തമാകുന്നു .