ശരത്കുമാർ കമലഹാസനെ സന്ദർശിച്ചു; സമത്വമക്കൾ കക്ഷി മക്കൾ നീതി മയ്യവുമായി സഹകരിക്കും
Feb 27, 2021, 15:57 IST
ചെന്നൈ: തമിഴ്നാട്ടിൽ നിയമസഭാ തെരഞ്ഞെടുപ്പ് തിയതി പ്രഖ്യാപിച്ചതിന് തൊട്ടുപിന്നാലെ തമിഴ്നടൻ ശരത് കുമാർ നടൻ മക്കൾ നീതി മയ്യം അധ്യക്ഷനുമായ നടനുമായ കമൽ ഹാസനെ സന്ദർശിച്ചു. ഇതോടെ ശരത് കുമാറിന്റെ സമത്വ മക്കൾ കക്ഷി (എഐഎസ്എംകെ)യും കമൽ ഹാസന്റെ മക്കൾ നീതി മയ്യവും തിരഞ്ഞെടുപ്പിൽ സഹകരിച്ച് പ്രവർത്തിക്കും.ഇതിന്റെ ഭാഗമായാണ് സമത്വ മക്കൾ കക്ഷിയുടെ സ്ഥാപകൻ ശരത് കുമാർ കമൽ ഹാസനുമായി കൂടിക്കാഴ്ച നടത്തിയത്. ചർച്ചയിൽ അനുകൂലമായ പ്രതികരണമാണ് കമൽ ഹാസൻ നൽകിയതെന്നും റിപ്പോർട്ടുകളുണ്ട്.കേരളത്തിനും പുതുച്ചേരിക്കും ഒപ്പം ഏപ്രിൽ ആറിനാണ് തമിഴ്നാട്ടിൽ നിയമസഭാ തെരഞ്ഞെടുപ്പ് നടക്കുന്നത്.