പ്രശ്ന ബാധിത ബൂത്തുകളിൽ പോലീസിന്റെ സേവനം ഒഴിവാക്കും, കേന്ദ്രസേനയെ നിയോഗിക്കും; മുഖ്യതെരഞ്ഞെടുപ്പ് ഓഫിസർ ടിക്കാറാം മീണ
തിരുവനന്തപുരം: ഏപ്രിൽ ആറിന് നടത്തുന്ന നിയമസഭാ തെരഞ്ഞെടുപ്പില് പ്രശ്ന ബാധിത ബൂത്തുകളിൽ കേരള പോലീസിന്റെ സേവനം ഒഴിവാക്കുമെന്ന് മുഖ്യതെരഞ്ഞെടുപ്പ് ഓഫിസർ ടിക്കാറാം മീണ. പകരം ഇത്തരം ബൂത്തുകളിൽ കേന്ദ്രസേനയെയായിരിക്കും നിയോഗിക്കുക. കേരള പോലീസ് ബൂത്തിനു പുറത്തായിരിക്കും നിൽക്കുകയെന്നും ടിക്കാറാം മീണ അറിയിച്ചു.കള്ളവോട്ട് തടയാന് വെബ്കാസ്റ്റിംഗ് ശക്തവും വ്യാപകവുമാക്കും.ഇപ്പോഴുള്ള സര്ക്കാരിനെയോ വരാന്പോകുന്ന സര്ക്കാരിനേയോ ഭയക്കേണ്ടതില്ല. ഉദ്യോഗസ്ഥരെ തെരഞ്ഞെടുപ്പ് കമ്മീഷൻ സംരക്ഷിക്കുമെന്നും ടിക്കാറാം മീണ വ്യക്തമാക്കി.അതിനാൽ തന്നെ പോളിംഗ് ഉദ്യോഗസ്ഥര് കള്ളവോട്ട് തടയണം, മിണ്ടാപ്രാണികളെ പോലെ നോക്കിയിരിക്കരുതെന്നും അദ്ദേഹം പറഞ്ഞു.