കാപ്പ നിയമപ്രകാരം ആലപ്പുഴയിൽ ഒരാള് അറസ്റ്റിൽ
Feb 23, 2021, 10:07 IST
ആലപ്പുഴ: കാപ്പ നിയമം ചുമത്തി ഒരാളെ പോലീസ് അറസ്റ്റ് ചെയ്തു. ആലപ്പുഴ തോണ്ടന്കുളങ്ങര വാര്ഡില് വൈക്കത്തുകാരന് വീട്ടിൽ രാഹുല് രാധാകൃഷ്ണന് (32) ആണ് അറസ്റ്റിലായത്. ആലപ്പുഴ നോര്ത്ത്, അമ്പലപ്പുഴ, പുന്നപ്ര എന്നീ പോലീസ് സ്റ്റേഷന് പരിധികളില് നരഹത്യാശ്രമം, കൈയേറ്റം, കഞ്ചാവ് വിൽപന തുടങ്ങിയ കേസുകളുണ്ട്. ജില്ലാ പോലീസ് മേധാവിയുടെ റിപ്പോര്ട്ടിന്റെ അടിസ്ഥാനത്തില് കലക്ടറുടെ ഉത്തരവില് പ്രതിയെ തിരുവനന്തപുരം സെന്ട്രല് ജയിലിലേക്ക് മാറ്റി.