കോടീശ്വരന്മാരുടെ മന്ത്രിസഭ…………. 56 ൽ 51 ഉം കോടീശ്വരൻമാർ
ന്യൂഡൽഹി: മോദി മന്ത്രിസഭ കോടീശ്വരന്മാരുടെ മന്ത്രിസഭ. 56 മന്ത്രിമാരിൽ 51 പേരും കോടീശ്വരൻമാർ. ശിരോമണി അകാലിദൾ നേതാവ് ഹർസ്രിമത് കൗർ ബാദലാണ് ഇതിൽ ഒന്നാമൻ. ഹർസ്രിമതിന് 217 കോടിയുടെ ആസ്തിയാണുള്ളത്. മറ്റുള്ളവർക്ക് 100 കോടിയിൽ താഴെയാണ് ആസ്തി.പിയൂഷ് ഗോയലാണ് രണ്ടാം സ്ഥാനത്ത്. ഗോയലിന് 95 കോടി രൂപയാണ് ആസ്തി. ഗുരുഗ്രാമിൽനിന്ന് ജനവിധിതേടിയ റാവു ഇന്ദ്രജിത് സിംഗിന് ആകെ 42 കോടിയുടെ ആസ്തിയാണുള്ളത്. ഇദ്ദേഹത്തിനു പിന്നിലുള്ള അമിത് ഷായുടെ ആസ്തി 40 കോടിയാണ്.പ്രധാനമന്ത്രി നരേന്ദ്ര മോദിയും കോടീശ്വരനാണ്. പട്ടികയിൽ അദ്ദേഹം നാൽപ്പത്തിയാറാമതാണ്. രണ്ടു കോടി രൂപയാണ് അദ്ദേഹത്തിന്റെ ആസ്തി.ഒഡീഷയിൽനിന്നുമുള്ള പ്രതാപ് ചന്ദ്ര സാരംഗിയാണ് മന്ത്രിമാരിൽ ആസ്തി ഏറ്റവും കുറവുള്ളത്. ഇദ്ദേഹത്തിന് 13 ലക്ഷം രൂപയുടെ ആസ്തിയാണ് ഉള്ളത്.