വീണ്ടും മന്ത്രവാദക്കൊല; രണ്ടുവയസുകാരന്റെ മൃതദേഹം കണ്ടെത്തിയത് ഗോതമ്പുപൊടി ഇട്ടുവെക്കുന്ന പാത്രത്തിൽ നിന്ന്; പിതൃസഹോദരനും ഭാര്യയും മകളും അറസ്റ്റിൽ

ലഖ്​നോ: രാജ്യത്തെ ഞെട്ടിച്ചു ദുര്മന്ത്രവാദത്തിന്റെ പേരിൽ വീണ്ടും അരും കോല. രണ്ടുവയസുകാരനെ കൊല​പ്പെടുത്തിയ കേസിൽ മൂന്നുപേർ അറസ്റ്റിലായി. ഉത്തർപ്രദേശിലെ ഹാസർപുർ ഗ്രാമത്തിലാണ്​ ക്രൂര സംഭവം. രണ്ടുവയസുകാരനായ ശിവയെ പിതാവിന്‍റെ സഹോദരനും അയാളുടെ ഭാര്യയും മകളും ചേർന്നാണ്​ കൊലപ്പെടുത്തിയത്​. വീടിന്​ പുറത്ത്​ കളിച്ചുകൊണ്ടിരുന്ന കുട്ടിയെ പ്രതികൾ വീട്ടിലേക്ക്​ കൂട്ടികൊണ്ടുപോകുകയായിരുന്നു. പിന്നീട്​ ഗോതമ്പുപൊടി ഇട്ടുവെക്കുന്ന പാത്രത്തിൽ നിന്നാണ്​ കുട്ടി​യുടെ മൃതദേഹം കണ്ടെത്തിയത്​. തന്‍റെ സഹോദരൻ രാംസൂറത്തും ഭാര്യയുമാണ്​ കുഞ്ഞിനെ കൊലപ്പെടുത്തിയതെന്ന്​ കുട്ടിയുടെ പിതാവ്​ ഗ്യാൻ സിങ്​ ആരോപിച്ചു. ദുർമന്ത്രവാദമാണ്​ കൊലപാതകത്തിന്​ കാരണമെന്നും അദ്ദേഹം പൊലീസിൽ നൽകിയ പരാതിയിൽ പറയുന്നു. പരാതിയുടെ അടിസ്ഥാനത്തി തുടർന്ന്​ പൊലീസ്​ മൂന്നുപേരെയും അറസ്റ്റ്​ ചെയ്യുകയായിരുന്നു. എന്നാൽ ആറുമാസം മുമ്പ്​ തന്‍റെ ചെറുമകനായ ഒന്നരവയസുകാരനെ ദുർമന്ത്രവാദത്തിനായി ഗ്യാൻ സിങ്ങും ഭാര്യയും കൊലപ്പെടുത്തിയെന്ന്​ രാംസൂറത്ത്​ പൊലീസിനോട്​ പറഞ്ഞു. ഗ്യാൻ സിങ്ങിന്‍റെ പരാതിയിലും പോലീസ്​ കേസെടുത്തു.