കുന്നംകുളം നഗരത്തിലെ ആക്രിക്കടയ്ക്കും കടലാസ് ഗോഡൗണിലും വൻ തീപിടിത്തം
Jan 27, 2021, 09:16 IST
തൃശൂർ: കുന്നംകുളം നഗരത്തിൽ വൻ തീപിടിത്തം. ആക്രിക്കടയ്ക്കും കടലാസ് ഗോഡൗണിനുമാണ് തീപിടിത്തമുണ്ടായത് .
ആക്രിക്കടയിലാണ് തീപിടിത്തം ഉണ്ടായത് . ഇവിടെ നിന്നും സമീപത്തെ കടലാസ് ഗോഡൗണിലേക്ക് ബൈൻഡിംഗ് സ്ഥാപനത്തിലേക്കും തീപടരുകയായിരുന്നു. ബൈൻഡിംഗ് സ്ഥാപനത്തിലെ മെഷീനുകൾ തീപിടിത്തത്തിൽ കത്തി നശിച്ചു.
ഇവിടെത്തെ പ്രദേശവാസികളാണ് ഫയർഫോഴ്സിനെ വിവരമറിയിച്ചത് . 15 ലക്ഷം രൂപയുടെ നഷ്ടമുണ്ടായിട്ടുണ്ടെന്നാണ് നിഗമനം.