ആലപ്പുഴയിൽ പെൺകുട്ടികൾക്ക് നേരെ ലൈംഗിക അതിക്രമം, യുവാവ് അറസ്റ്റിൽ
Jan 26, 2021, 15:58 IST
ആലപ്പുഴ: പെൺകുട്ടികൾക്ക് നേരെ ലൈംഗിക അതിക്രമം നടത്തിയ കേസിൽ ഇരുപത്തിമൂന്നുകാരനായ യുവാവ് അറസ്റ്റിൽ. വണ്ടാനം കോരമംഗലത്ത് സജിനെയാണ് പുന്നപ്ര പോലീസ് അറസ്റ്റ് ചെയ്തത്. ഇക്കഴിഞ്ഞ ഞായറാഴ്ച വൈകീട്ടാണ് കേസിനാസ്പദമായ സംഭവം. പെൺകുട്ടികളുടെ രക്ഷിതാക്കളുടെ പരാതിയിൽ പൊലീസ് നടത്തിയ അന്വേഷണത്തിലാണ് അറസ്റ്റ്. പോക്സോ നിയമപ്രകാരമാണ് പ്രതിയെ പിടികൂടിയതെന്നു പോലീസ് അറിയിച്ചു.