ധാന്യങ്ങൾ പൊടിക്കുന്ന മില്ലിലെ യന്ത്രത്തില്‍ മുടി കുടുങ്ങി, തല ദേഹത്തു നിന്ന് വേർപ്പെട്ട നിലയിൽ; 30കാരിക്ക് ദാരുണാന്ത്യം
പഞ്ചാബ് : ധാന്യങ്ങള്‍ പൊടിക്കുന്ന മില്ലിലെ ജോലിക്കിടെ തലമുടി യന്ത്രത്തില്‍ കുരുങ്ങിയ 30കാരിക്ക് ദാരുണാന്ത്യം.സെഖ്വാന്‍ ഗ്രാമത്തിലെ ബല്‍ജീത് കൗര്‍ എന്ന യുവതിയാണ് മരിച്ചത്.പഞ്ചാബിലെ ഫിറോസ്പൂരിലാണ് ഞെട്ടിക്കുന്ന സംഭവം നടന്നത് .യന്ത്രത്തിൽ മുടി കുരുങ്ങുകയും യുവതിയുടെ തല ദേഹത്തു നിന്ന് വേര്‍പെട്ടു പോവുകയും ചെയ്തതായാണ് റിപ്പോര്‍ട്ട്.യുവതിയും ഭര്‍ത്താവുമായി ചേര്‍ന്നാണ് ഇവര്‍ മില്‍ നടത്തിയിരുന്നത്. ഭര്‍ത്താവ് പുറത്തു പോയ സമയത്തായിരുന്നു അപകടം നടന്നത് .ഉപഭോക്താവ് വന്നതിനെ തുടര്‍ന്ന് ധാന്യപൊടി എടുക്കാനായി പ്രവര്‍ത്തിച്ചുകൊണ്ടിരുന്ന യന്ത്രത്തിനരികില്‍ കുനിഞ്ഞപ്പോള്‍ ബല്‍ജീതിന്‍റെ തലമുടി യന്ത്രത്തില്‍ കുരുങ്ങുകയായിരുന്നു. ഉടനടി യുവതിയുടെ തല ദേഹത്തുനിന്ന് വേര്‍പെട്ടു.ആളുകള്‍ ചേര്‍ന്ന് യുവതിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പോസ്റ്റ്മോര്‍ട്ടത്തിനയച്ചിരിക്കുകയാണ്. സംഭവത്തില്‍ പൊലീസ് കേസെടുത്തു.
