പരക്കാട് സ്കൂളിലെ കവര്‍ച്ച, കൂടാതെ സംസ്ഥാനത്തും തമിഴ്നാട്ടിലുമായി നിരവധി മോഷണ കേസുകൾ; പ്രതി അറസ്റ്റില്‍
അന്തിക്കാട്: സംസ്ഥാനത്തും തമിഴ്നാട്ടിലുമടക്കം നിരവധി മോഷണ കേസുകളിലെ പ്രതി അറസ്റ്റില്‍. ലാലൂര്‍ കാരൂര്‍ വീട്ടില്‍ ബാബു മുനിയാണ്ടിയെയാണ് (38) അന്തിക്കാട് പൊലീസ് അറസ്റ്റ് ചെയ്തത്. പരക്കാട് എ.യു.പി സ്കൂളില്‍നിന്ന് പ്രോജക്ടറും ലാപ്ടോപ്പും മോഷണം പോയ കേസില്‍ നടത്തിയ അന്വേഷണത്തിലാണ് നിരവധി മോഷണ കേസുകളില്‍ പ്രതിയായ ഇയാള്‍ അറസ്റ്റിലായത്.
ഇരിങ്ങാലക്കുട ഡിവൈ.എസ്.പി പി.ആര്‍. രാജേഷിെന്‍റ നേതൃത്വത്തില്‍ അന്തിക്കാട് ഇന്‍സ്പെക്ടര്‍ പ്രശാന്ത് ക്ലിന്‍റ് മനക്കൊടി ഭാഗത്ത് നിന്നാണ് അറസ്റ്റ് ചെയ്തത്. ഒന്നര വര്‍ഷം മുമ്ബ് പറക്കാട് സ്കൂളിലെ അലമാറ കുത്തിത്തുറന്ന് 8500 രൂപയും തൃശൂര്‍ വെസ്റ്റ് സ്റ്റേഷന്‍ പരിധിയിലെ അരണാട്ടുകര തരകന്‍സ് സ്കൂളില്‍നിന്ന് എല്‍.സി.ഡി ടി.വിയും മോഷ്ടിച്ച കാര്യം സമ്മതിച്ചതായി പൊലീസ് പറഞ്ഞു