വർഷ എസ് കുമാറിന് ജെ.സി.ഐ ദേശീയ പുരസ്കാരം
Jan 24, 2021, 15:13 IST
പാലക്കാടു നിന്നുള്ള വർഷ എസ് കുമാറിന് ജൂനിയർ ചേംബർ ഇന്റർനാഷണൽ ഇന്ത്യയുടെ 2020 വർഷത്തെ ഏറ്റവും മികച്ച ജെ.സി.ഐ അംഗത്തിനുള്ള ദേശീയ അവാർഡ് ലഭിച്ചു . കോവിഡ് കാലഘട്ടത്തിൽ ഓൺലൈനിലൂടെ സംഘടിപ്പിച്ച ദേശീയ , അന്തർദേശീയ പരിശീലന പരിപാടികളെയും , സാമൂഹിക പ്രതിബദ്ധതയോടു കൂടിയുള്ള സേവന പ്രവർത്തനങ്ങളെയും . സംഘടനയുടെ വളർച്ചക്ക് നൽകിയ നിസ്തുലമായ സംഭാവനകളെയും മുൻനിർത്തിയാണ് പുരസ്കാരം . ഇന്ത്യയിലെ അൻപതിനായിരത്തിൽപ്പരം ജെ.സി.ഐ അംഗങ്ങളിൽ നിന്നാണ് ഈ അവാർഡ് ലഭിച്ചത് . മൂന്നാം വർഷ നിയമ വിദ്യാർത്ഥിനിയായ വർഷ 2021 വർഷത്തിലെ ജെ.സി.ഐ ഒലവക്കോടിന്റെ പ്രസിഡണ്ട് കൂടിയാണ് . വഡോദരയിൽ നടന്ന ദേശീയ സമ്മേളനത്തിൽ വെച്ച് ജെ.സി.ഐ നാഷണൽ പ്രസിഡണ്ട് അനീഷ് സി മാത്യു അവാർഡ് സമ്മാനിച്ചു