അടിസ്ഥാനസൗകര്യവികസനത്തില് വലിയ മാറ്റങ്ങളാണ് സംസ്ഥാനം ദര്ശിക്കുന്നത് ; മുഖ്യമന്ത്രി
Jan 23, 2021, 12:50 IST
തിരുവനന്തപുരം: കേരളത്തിലെ പല ജില്ലകളിലായി 10 റെയില്വേ മേൽപ്പാലങ്ങളുടെ നിർമാണോദ്ഘാടനം നിർവഹിച്ച് മുഖ്യമന്ത്രി .
നാടിന്റെ വികസനത്തിന് ഈടുറ്റതും മെച്ചപ്പെട്ടതുമായ ഗതാഗത സംവിധാനം ആവശ്യമുണ്ടെന്നും അദ്ദേഹം വ്യക്തമാക്കി .
അടിസ്ഥാനസൗകര്യവികസനത്തില് വലിയ മാറ്റങ്ങളാണ് സംസ്ഥാനം ദര്ശിക്കുന്നതെന്നും അദ്ദേഹം അറിയിച്ചു .
കിഫ്ബി, റീബിള്ഡ് കേരള, കെഎസ്ഡിപി, വാര്ഷിക പദ്ധതികള് ഇവയെല്ലാം പ്രയോജനപ്പെടുത്തി 25,000 കോടിയുടെ നിര്മാണ പ്രവര്ത്തനങ്ങളാണ് കേരളത്തിൽ നടക്കുന്നതെന്നും അദ്ദേഹം കൂട്ടിച്ചേർത്തു.