പെണ്‍കുട്ടി മൂന്നാംവട്ടവും പീഡനത്തിന് ഇരയായ കേസ്: അയൽക്കാരിയായ യുവതി അറസ്റ്റില്‍, പെൺകുട്ടിയെ പീഡിപ്പിക്കാൻ ഇടനിലക്കാരിയായി എന്ന് കണ്ടെത്തൽ
മലപ്പുറം: ലൈംഗിക പീഡനത്തിന് ഇരയായി പാണ്ടിക്കാട് സര്‍ക്കാര്‍ ഹോമില്‍ എത്തുകയും തുടർന്ന്, കുടുംബത്തിനൊപ്പം വിട്ടയക്കുകയും ചെയ്ത പെണ്‍കുട്ടി മൂന്നാംവട്ടവും പീഡനത്തിന് ഇരയായ കേസില്‍ അയല്‍ക്കാരിയായ യുവതി അറസ്റ്റില്‍. പാണ്ടിക്കാട് സ്വദേശിയായ രഹനയാണ് അറസ്റ്റിലായത്. യുവതിയുടെ പിതാവ് സമീര്‍ബാബു എന്ന ചന്ദ്രനും ഭര്‍ത്താവ് മുജീബ് റഹ്മാനും കേസില്‍ പ്രതികളാണ്. പെൺകുട്ടിയെ ലൈംഗീക പീഡനത്തിന് ഇരയാക്കിയവര്‍ക്ക് പെണ്‍കുട്ടിയെ കാഴ്ച വയ്ക്കാന്‍ സഹായിച്ചത് രഹന എന്ന രമ്യയായിരുന്നു എന്നാണു പോലീസ് കണ്ടെത്തൽ. പീഡനക്കേസിലെ മറ്റു പല പ്രതികള്‍ക്കുമിടയില്‍ ഇടനിലക്കാരിയായി പ്രവര്‍ത്തിച്ച രഹനയെ പാണ്ടിക്കാട് സി.ഐ എം. മുഹമ്മദ് ഹനീഫയും സംഘവുമാണ് അറസ്റ്റ് ചെയ്തത്. പ്രതി രഹനയുടെ 44 പ്രതികളുളള കേസില്‍ ഇതോടെ 26 പേര്‍ അറസ്റ്റിലായിട്ടുണ്ട്.പെരിന്തല്‍മണ്ണ ഡി.വൈ.എസ്.പിയുടെ ചുമതലയുളള പി.പി. ഷംസിന്റെ നേതൃത്വത്തില്‍ 3 സി.ഐമാരും 7 എസ്.ഐ മാരുമടങ്ങുന്ന സംഘമാണ് കേസ് അന്വേഷിക്കുന്നത്.
