കോവിഡ് വാക്‌സിന്‍ സ്വീകരിച്ച ആരോഗ്യപ്രവര്‍ത്തകന്‍ 16 മണിക്കൂറിന് ശേഷം മരിച്ചു
ഹൈദരാബാദ്: തെലങ്കാനയില്‍ കോവിഡ് വാക്‌സിന്‍ സ്വീകരിച്ച 42 വയസുകാരനായ ആരോഗ്യപ്രവര്‍ത്തകന്‍ 16 മണിക്കൂറിന് ശേഷം മരിച്ചു.തെലങ്കാനയിലെ നിര്‍മല്‍ ജില്ലയിലാണ് സംഭവം നടന്നത്. ഇന്നലെ രാവിലെ 11.30ന് കുണ്ടല പ്രാഥമിക ആരോഗ്യകേന്ദ്രത്തിൽനിന്നാണ് ഇദ്ദേഹം കോവിഡ് വാക്‌സിന്റെ ആദ്യ ഡോസ് സ്വീകരിച്ചത്. നെഞ്ചുവേദനയെ തുടര്‍ന്ന് ആശുപത്രിയില്‍ എത്തിക്കുന്നതിന് മുന്‍പ് മരിച്ചു . ഇതിന് കുത്തിവെയ്പുമായി ബന്ധമില്ലെന്നാണ് അധികൃതരുടെ പ്രാഥമിക നിഗമനം. തുടര്‍ന്ന് ഇന്ന് രാവിലെ രണ്ടരയോടെ നെഞ്ചുവേദന അനുഭവപ്പെടുകയായിരുന്നു. ഉടനെ തന്നെ ആശുപത്രിയില്‍ എത്തിച്ചെങ്കിലും അഞ്ചരയോടെ മരണം സ്ഥിരീകരിച്ചു. എന്നാൽ മരണത്തിന് കുത്തിവെയ്പുമായി ബന്ധമില്ലെന്നാണ് പ്രാഥമിക നിഗമനം.കുത്തിവെയ്പിന് ശേഷമുള്ള പാര്‍ശ്വഫലങ്ങള്‍ വിലയിരുത്തുന്നതായി സര്‍ക്കാര്‍ തലത്തില്‍ രൂപം നല്‍കിയ ജില്ലാ കമ്മിറ്റി സംഭവം അന്വേഷിച്ച്‌ റിപ്പോര്‍ട്ട് നല്‍കുമെന്ന് ആരോഗ്യവിഭാഗത്തിന്റെ വാര്‍ത്താക്കുറിപ്പില്‍ പറയുന്നു.
