പാരിപ്പള്ളിയിലുണ്ടായ വാഹനാപകടത്തിൽ യുവമോർച്ച കല്ലുവാതുക്കൽ ഏരിയാ പ്രസിഡന്റ് മരിച്ചു
Jan 19, 2021, 12:17 IST
ചാത്തന്നൂർ: പാരിപ്പള്ളിയിലുണ്ടായ വാഹനാപകടത്തിൽ യുവമോർച്ച കല്ലുവാതുക്കൽ ഏരിയാ പ്രസിഡന്റ് മരിച്ചു. സജിത് മോഹൻ (22) ആണ് മരിച്ചത്. ഇയാൾ സഞ്ചരിച്ചിരുന്ന ബൈക്കിൽ പാഴ്സൽ വാഹനമിടിച്ചാണ് അപകടമുണ്ടായത്.
ദേശീയപാതയിൽ പാരിപ്പള്ളി ഐഒസി പമ്പിന് സമീപത്താണ് അപകടം ഉണ്ടായത് . ഇയാൾ ജോലി കഴിഞ്ഞ് ബൈക്കിൽ വീട്ടിലേക്ക് പോകുകയായിരുന്നു.
മലപ്പുറത്ത് നിന്ന് തിരുവനന്തപുരത്തേയ്ക്ക് മരുന്നു കൊണ്ടുപോവുകയായിരുന്ന പാഴ്സൽ വാനാണ് ബൈക്കിലിടിച്ചത്.
പ്രദേശവാസികൾ ഉടൻ തന്നെ യുവാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.