കണ്ണൂരിൽ ഒന്നരകിലോ കഞ്ചാവുമായി യുവാവ് പിടിയില്
കണ്ണൂര്: എക്സൈസ് ഇന്സ്പെക്ടര് എ.കെ. വിജേഷിെന്റ നേതൃത്വത്തില് 19ാം മൈലില് വാഹന പരിശോധന നടത്തവെയാണ് 1.600 കിലോ കഞ്ചാവുമായി യുവാവ് അറസ്റ്റില് ആയത് . നുച്യാട് കതളിക്കാട്ടില് വീട്ടില് ബോബിന് മാത്യു (30) വിനെയാണ് പോലീസ് അറസ്റ്റ് ചെയ്തത്.ഇയാള് സഞ്ചരിച്ച ടാറ്റാ സുമോ കാറും എക്സൈസ് സംഘം കസ്റ്റഡിയിലെടുത്തു.കഴിഞ്ഞ ഒരു മാസക്കാലമായി ഇയാളെ എക്സൈസ് സംഘം നിരീക്ഷിച്ചു വരുകയായിരുന്നു.
ഇയാള് പ്രധാനമായും ഹൈസ്കൂള്, കോളജ് പഠനം നടത്തുന്ന വിദ്യാര്ഥികള്ക്കാണ് കഞ്ചാവ് വിതരണം ചെയ്യുന്നതെന്ന് എക്സൈസ് അധികൃതര് പറഞ്ഞു. മട്ടന്നൂര് എക്സൈസ് ഇന്സ്പെക്ടറുടെ നേതൃത്വത്തില് നടത്തുന്ന ശക്തമായ റെയ്ഡില് പുതുവര്ഷം മുതല് ലഹരി കടത്തിയ അഞ്ചു വാഹനങ്ങളാണ് പിടിച്ചെടുത്തത്.