മുട്ടിൽ പാടശേഖരത്ത് ഞാറുനടീൽ ഉത്സവം നടത്തി
Jan 18, 2021, 20:29 IST
തൃശ്ശൂർ: ചാവക്കാട് നഗരസഭയുടെ സഹായത്തോടെ മുട്ടിൽ പാടശേഖരത്ത് കൃഷിയിറക്കുന്നതിന്റെ ഞാറുനടീൽ ഉത്സവം നഗരസഭാധ്യക്ഷ ഷീജ പ്രശാന്ത് നിർവഹിച്ചു. സംസ്ഥാന സർക്കാരിന്റെ സുഭിക്ഷ കേരളം പദ്ധതിയുടെ ഭാഗമായി 80 ഏക്കർ സ്ഥലത്താണ് കൃഷിയിറക്കുന്നത്. ചാവക്കാട് നഗരസഭ കൃഷിഭവൻ സബ്സിഡിയോടുകൂടിയാണ് കൃഷി. നഗരസഭാ സ്ഥിരം സമിതി അധ്യക്ഷൻമാരായ ഷാഹിന സലീം, ബുഷ്റ ലത്തീഫ്, പ്രസന്ന, മുഹമ്മദ് അൻവർ, അബ്ദുൽ റഷീദ്, സെക്രട്ടറി കെ എസ് സുമേഷ്, കൃഷി അസിസ്റ്റന്റ് ഓഫീസർ ജിസ്മ എന്നിവർ പങ്കെടുത്തു.
