മൊബൈൽ വാങ്ങാനെന്ന വ്യാജേന എത്തി മൊബൈൽ ഫോണുമായി കടന്നു; രണ്ടു പേർ അറസ്റ്റിൽ
Jan 18, 2021, 12:39 IST
കരുനാഗപ്പള്ളി: മൊബൈൽ വാങ്ങാനെന്ന വ്യാജേന കടയിൽ എത്തി മൊബൈൽ ഫോണുമായി കടന്നുകളഞ്ഞ സംഭവത്തിൽ പ്രായപൂർത്തിയാകാത്തയാൾ ഉൾപ്പെടെ രണ്ടുപേരെ കരുനാഗപ്പള്ളി പൊലീസ് പിടികൂടി. ശൂരനാട് വടക്ക് തുണ്ടുപറമ്പിൽ വീട്ടിൽ ജോമോനെ (21) യും പ്രായപൂർത്തിയാകാത്ത മറ്റൊരാളേയുമാണ് അറസ്റ്റ് ചെയ്തത്. നാലു ദിവസം മുമ്പ് മണപ്പള്ളിയിലുള്ള മൊബൈൽ ഷോപ്പിൽ കയറി മൊബൈൽഫോൺ നോക്കാൻ വാങ്ങിയശേഷം ബൈക്കിൽ കയറി മൊബൈലുമായി കടന്നുകളയുകയായിരുന്നു. കരുനാഗപ്പള്ളി എസ്.ഐ സമീർകോയ, ഷാജിമോൻ എന്നിവർ ചേർന്നാണ് പ്രതിയെ പിടികൂടിയത്.