കാമുകനൊപ്പം സ്കൂട്ടറിൽ കറങ്ങി 25 കാരിയായ വീട്ടമ്മ; കയ്യോടെ പിടികൂടി ഭർത്താവും സുഹൃത്തുക്കളും; ഇന്നലെ പുനലൂരിൽ നടന്നത്.!!
പുനലൂർ: കാമുകനൊപ്പം സ്കൂട്ടറിൽ കറങ്ങി നടന്ന 25 കാരിയായ വീട്ടമ്മയെ ബൈക്കിൽ പിന്തുടർന്നെത്തിയ ഭർത്താവും സുഹൃത്തുക്കളും ചേർന്ന് കയ്യോടെ പിടികൂടി പൊലീസിൽ ഏൽപ്പിച്ചു. ഇന്നലെ ഉച്ചയ്ക്ക് ഒരുമണിയോടെ ഇടമൺ യു.പി സ്കൂൾ ജംഗ്ഷനിലായിരുന്നു നാടകീയമായ സംഭവങ്ങൾ അരങ്ങേറിയത്. ഒരു കുട്ടിയുടെ മാതാവാണ് യുവതി. കാമുകനായ യുവാവ് വിവാഹിതനും ഒരുകുട്ടിയുടെ പിതാവുമാണ്.
കറവൂർ സ്വദേശിയായ യുവാവ് ഭർത്താവുമായി പിണങ്ങിക്കഴിഞ്ഞിരുന്ന യുവതിയുമൊത്താണ് തെന്മല ഇക്കോ ടൂറിസം മേഖലയുൾപ്പെടെയുള്ള ടൂറിസ്റ്റ് കേന്ദ്രങ്ങൾ സന്ദർശിക്കാൻ സ്കൂട്ടറിൽ എത്തിയത്. അതേസമയം,അവിടെ ഉണ്ടായിരുന്ന യുവതിയുടെ ഭർത്താവിന്റെ സുഹൃത്തുക്കൾ യുവതിയെ തിരിച്ചറിയുകയും മാത്ര സ്വദേശിയായ ഭർത്താവിനെ വിവരമറിയിക്കുകയുമായിരുന്നു. ഇദ്ദേഹം ഉടൻതന്നെ സുഹൃത്തുക്കൾക്കൊപ്പം ബൈക്കിലെത്തി ഇടമണിൽ വച്ച് കമിതാക്കളെ പിടികൂടുകയായിരുന്നു.
തുടർന്ന് യുവതിയും ഭർത്താവും തമ്മിൽ നടുറോഡിൽ വച്ച് വാക്കേറ്റമുണ്ടായതോടെ നാട്ടുകാരും യാത്രക്കാരും പ്രദേശത്ത് തടിച്ചുകൂടി. ഇതിനിടെ യുവതിയുടെ ഭർത്താവും നാട്ടുകാരും ചേർന്ന് തെന്മല പൊലീസിൽ വിവരം അറിയിച്ചു. സ്ഥലത്തെത്തിയ പൊലീസ് ഇരുകൂട്ടരെയും സ്റ്റേഷനിൽ എത്തിച്ചു. യുവതിയെ സ്വീകരിക്കാൻ ഭർത്താവ് വിസമ്മതിച്ചതോടെ കാമുകനൊപ്പം പറഞ്ഞുവിട്ട് പൊലീസ് സംഭവം ഒത്തുതീർപ്പാക്കുകയായിരുന്നു.