അവസാന സെൽഫി എടുത്ത് ശ്രീലാൽ പോയത് മരണത്തിലേക്ക്; അച്ചന്കോവിലാറ്റിൽ കുളിക്കാനിറങ്ങിയ വിദ്യാര്ഥി മുങ്ങിമരിച്ചു.
കോന്നി: അച്ചന്കോവിലാറ്റിലെ കീക്കമ്ബാട്ട് കടവില് കുളിക്കാനിറങ്ങിയ വിദ്യാര്ഥി മുങ്ങിമരിച്ചു. കോന്നി എം.എം.എന്.എസ്.എസ് കോളജിലെ രണ്ടാംവര്ഷ കമ്ബ്യൂട്ടര് സയന്സ് വിദ്യാര്ഥി എം. ശ്രീലാലാണ് (20) മരിച്ചത്.വെള്ളിയാഴ്ച വൈകീട്ട് മൂന്നിനായിരുന്നു സംഭവം നടന്നത് . കോളജില് കമ്ബ്യൂട്ടര് ലാബ് പ്രാക്ടിക്കലിന് എത്തിയ ശ്രീലാല് ഉച്ചയോടെ കൂട്ടുകാര്ക്കൊപ്പമാണ് കുളിക്കാനെത്തിയത്.
മൊബൈല് കാമറയില് ചിത്രങ്ങള് പകര്ത്തിയശേഷം കുളിക്കാന് ഇറങ്ങുമ്ബോഴായിരുന്നു അപകടമെന്ന് ദൃക്സാക്ഷികള് പറയുന്നു. കാല്വഴുതി നദിയില് വീണ ശ്രീലാല് മുങ്ങിത്താഴുന്നത് കണ്ട് സുഹൃത്തുക്കള് രക്ഷപ്പെടുത്താന് ഇറങ്ങിയെങ്കിലും സാധിച്ചില്ല. തുടര്ന്ന് കോന്നി പൊലീസും അഗ്നിരക്ഷാസേനയും നാട്ടുകാരും ചേര്ന്ന് നടത്തിയ തിരച്ചിലില് വൈകീട്ട് നാലോടെ കീക്കാമ്ബാട്ട് കടവിന് 25 മീ. താഴെനിന്നാണ് മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ട നടപടികള്ക്കുശേഷം ബന്ധുക്കള്ക്ക് വിട്ടുനല്കും.