കര്‍ണാടകയില്‍ മിനി ബസും ടിപ്പര്‍ ലോറിയും കൂട്ടിയിടിച്ചു ;10 മരണം
ബാംഗ്ലൂർ :കര്‍ണാടകയില്‍ മിനി ബസും ടിപ്പര്‍ ലോറിയും കൂട്ടിയിടിച്ച്‌ 10 പേർ മരിച്ചു .വെള്ളിയാഴ്ച രാവിലെ എട്ടോടെ ഹുബ്ബള്ളി- ധാര്‍വാഡ് ബൈപാസിലെ ഇത്തിഗട്ടിയിലാണ് സംഭവം. ഗോവയിലേക്ക് ടൂറിന് പോയ ദാവന്‍കരെ ലേഡീസ് ക്ലബ് അംഗങ്ങള്‍ സഞ്ചരിച്ച മിനി ബസാണ് അപകടത്തില്‍പെട്ടത്.
ബസ് ഡ്രൈവർ പ്രവീണ്‍, യാത്രസംഘത്തിലെ ആശ, മീരാഭായി, പരന്‍ജ്യോതി, രാജേശ്വരി, ശകുന്തള, ഉഷ, വേദ, വീണ, മഞ്ജുള, നിര്‍മല, രജനീഷ്, സ്വാതി, പ്രീതി രവികുമാര്‍ എന്നിവരാണ് മരിച്ചത്. ദാവന്‍കരെ ജാഗലൂര്‍ മുന്‍ എം.എല്‍.എ ഗുരു സിദ്ധനഗൗഡയുടെ മരുമകളാണ് മരിച്ച പ്രീതി രവികുമാര്‍.ഗുരുതരമായി പരിക്കേറ്റ സംഘത്തിലെ ബാക്കി ആറുപേരെയും ടിപ്പര്‍ ലോറി ഡ്രൈവറെയും ഹുബ്ബള്ളി കിംസ് ആശുപത്രിയില്‍ പ്രവേശിപ്പിച്ചു.