വനിത ഫുട്ബാൾ ഇതിഹാസം മാർത്ത സഹതാരവുമായി വിവാഹിതയാകുന്നു
Jan 13, 2021, 19:19 IST
ബ്രസീലിന്റെ വനിത ഫുട്ബാൾ ഇതിഹാസം മാർത്ത സഹതാരവുമായി വിവാഹിതയാകുന്നു അമേരിക്കൻ ഫുട്ബാൾ ക്ലബ്ബായ ഒർലാൻഡോ പ്രൈഡിൽ തനിക്കൊപ്പം കളിക്കുന്ന ടോണി പ്രസ്ലിയെയാണ് ബ്രസീലിയൻ ഇതിഹാസം വിവാഹം കഴിക്കുന്നത്. ഇ.എസ്.പി.എന്നാണ് ഈ വാർത്ത റിപ്പോർട്ട് ചെയ്തത്. ജനുവരി മാസമാദ്യം ടോണി പ്രസ്ലിയോടൊപ്പമുള്ള ചിത്രം ഇൻസ്റ്റഗ്രാമിൽ പങ്കുവെച്ച് മാർത്ത കുറിച്ചതിങ്ങനെ:.”കഥയിലെ അടുത്ത അധ്യായം ഞങ്ങളൊരുമിച്ച് എഴുതുന്നു”. സ്തനാർബുദത്തെതുടർന്ന് ചികിത്സയിലായിരുന്ന പ്രസ്ലി 2019-20ലാണ് കളിക്കളത്തിലേക്ക് മടങ്ങിയെത്തിയത്. ഇരുവർക്കും നിരവധി ഫുട്ബാൾ താരങ്ങൾ ആശംസ നേർന്നു.