വൈറലായ പാപ്പിയമ്മയെ തേടി ബോബി ചെമ്മണ്ണൂരെത്തി, വീട് വച്ച് നൽകും
വൈക്കം: ഫോട്ടോഷൂട്ട് വൈറലായതിനെ തുടർന്ന് സമൂഹമാധ്യമങ്ങളിൽ താരമായ പാപ്പിയമ്മയെ തേടി ബോബി ചെമ്മണ്ണൂരെത്തി. അടച്ചുറപ്പില്ലാത്ത ടാർപോളിൻ കൂരക്കുള്ളിൽ കഴിയുന്ന വടയാർ തേവലക്കര വാഴത്തറവിട്ടിൽ പാപ്പിയമ്മക്ക് ആശ്വാസമായായിരുന്നു ബോബി ചെമ്മണ്ണൂരിന്റെ വരവ്.പാപിയെ തേടിയെത്തിയ അദ്ദേഹത്തിന് നാട്ടുകാർ വൻവരവേൽപാണ് നൽകിയത്.ഏറണാകുളം കേന്ദ്രീകരിച്ച് പ്രവർത്തിക്കുന്ന ഡോക്യുമെൻററി സംവിധായനായ മഹാദേവൻ തമ്പി, നേരത്തേ പാപ്പിയമ്മയുടെ ജീവിത നിമിഷങ്ങൾ യു ട്യൂബിലൂടെ പുറംലോകത്ത് എത്തിച്ചിരുന്നു.പാടത്തും പറമ്പിലും പണിചെയ്യുന്ന പാപ്പിയമ്മ 98 വയസ്സിൽ എത്തിയിട്ടും ശാരീരിക അവശതകൾ ഒന്നുമില്ല. നിറഞ്ഞ സന്തോഷത്തോടെയുള്ള ഇവരുടെ ജീവിതം വൈറലായി. കുടികിടപ്പുകിട്ടിയ 10 സെൻറ് ഭൂമിയിൽ അടച്ചുറപ്പ് ഇല്ലാത്ത ടാർപോളിൻ കൂരക്കുള്ളിൽ ഒറ്റക്കാണ് ഇവരുടെ താമസം. ഭർത്താവ് വർഷങ്ങൾക്കുമുമ്പ് മരിച്ചു. അടുത്ത താമസിക്കുന്ന മകൾ ഭക്ഷണം എത്തിക്കും. തുടർന്ന് പാപ്പിയമ്മക്ക് വീട് നിർമിച്ചുനൽകുമെന്ന് അദ്ദേഹം പ്രഖ്യാപിച്ചു.