മര്യാദക്ക് അല്ലെങ്കില് പുറത്തിറങ്ങി നടക്കാന് അനുവദിക്കില്ലെന്ന് കെ സുരേന്ദ്രന്റെ ഭീഷണി
ആലപ്പുഴ : ബിജെപി സംസ്ഥാന നേതൃയോഗം നടക്കുന്നതിനിടെ മാധ്യമപ്രവര്ത്തകര്ക്കെതിരെ സംസ്ഥാന ജനറല് സെക്രട്ടറി കെ സുരേന്ദ്രന്റെ ആക്രോശം .ന്യൂസ് 18 റിപ്പോര്ട്ടര് വിവി വിനോദ്, ക്യാമറാമാന് പി കെ പ്രശാന്ത് എന്നിവര്ക്ക് നേരെയാണ് ആക്രോശമുണ്ടായത് ഉണ്ടായത്.സംസ്ഥാന നേതൃയോഗം കഴിഞ്ഞയുടനെ കഴിക്കുകയായിരുന്ന മാധ്യമപ്രവര്ത്തകര്ക്ക് നേരെ ആക്രോശത്തോടെ ചീറിയടുത്ത കെ സുരേന്ദ്രന് യാതൊരുവിധ പ്രകോപനവും ഇല്ലാതെ രോഷപ്രകടനം നടത്തുകയായിരുന്നു . ബിജെപി സംസ്ഥാന നേതാക്കള് ഉള്പ്പെടെയുള്ളവരെ സാക്ഷിനിര്ത്തിയായിരുന്നു രോഷപ്രകടനം . തങ്ങള് വിചാരിച്ചാല് പുറത്തിറങ്ങി നടക്കാന് അനുവദിക്കില്ലെന്നും മര്യാദക്ക് അല്ലെങ്കില് തെരുവില് നേരിടാന് ബിജെപി പ്രവര്ത്തകര് പുറത്ത് ഉണ്ടെന്നും ഭീഷണിപ്പെടുത്തി.