ആൽവാറിൽ മാനഭംഗത്തിനിരയായ ദളിത് യുവതി ഇനി പോലീസ്
May 29, 2019, 09:38 IST
ജയ്പുർ: രാജസ്ഥാനിൽ ഭർത്താവിന്റെ മുന്നിൽ വച്ച് കൂട്ട മാനഭംഗത്തിനിരയായ ദളിത് യുവതി ഇനി പോലീസ് കോൺസ്റ്റബിൾ. രാജസ്ഥാനിലെ ആൽവാറിൽ ഏപ്രിൽ 26നാണ് യുവതിയെ ഭർത്താവിന്റെ മുന്നിൽവച്ചു അഞ്ചു പേർ കൂട്ടമാനഭംഗത്തിനിരയാക്കിയത്. ദൃശ്യങ്ങൾ മൊബൈലിൽ പകർത്തുകയും ചെയ്തു.യുവതിയെ പോലീസ് കോൺസ്റ്റബിളായി നിയമിക്കാൻ സംസ്ഥാന സർക്കാർ ഉത്തരവിറക്കി. യുവതിക്ക് ഉടൻ നിയമന ഉത്തരവ് ലഭിക്കുമെന്ന് അഡീഷണൽ ചീഫ് സെക്രട്ടറി രജീവ സ്വരൂപ് പറഞ്ഞു.