ട്രക്കിനുള്ളിൽ മനുഷ്യക്കടത്ത്; ശ്വാസംകിട്ടാതെ എട്ടു പേർ മരിച്ചു
ടെക്സസ്: യുഎസിലെ ടെക്സസിൽ പാർക്ക് ചെയ്തിരുന്ന ട്രക്കിനുള്ളിൽ എട്ടു പേരുടെ മൃതദേഹം കണ്ടെത്തി. 20 പേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിക്കുകയും ചെയ്തു. ടെക്സസിലെ സാൻ അന്റോണിയോയിൽ വാൾമാർട്ട് സ്റ്റോറിനു സമീപമായിരുന്നു സംഭവം. മനുഷ്യക്കടത്തിനുള്ള ശ്രമത്തിനിടെയാണ് ദുരന്തം സംഭവിച്ചതെന്നാണ് കരുതുന്നത്. ട്രക്ക് ഡ്രൈവറെ പോലീസ് കസ്റ്റഡിയിലെടുത്തു. മെക്സിക്കോയുടെ അതിർത്തി പ്രദേശമാണ് സാൻ അന്റോണിയോ.വായുസഞ്ചാരമില്ലാത്ത അറയിൽ മനുഷ്യരെ കുത്തിനിറച്ചിരിക്കുകയായിരുന്നു. വെള്ളത്തിനായി അലമുറയിടന്നവരെ പോലീസ് പുറത്തെത്തിച്ചതും ഇവർ കുഴഞ്ഞുവീണു. മരിച്ചവരിൽ രണ്ടു കുട്ടികളും ഉൾപ്പെടും. ആശുപത്രിയിൽ പ്രവേശിപ്പിച്ചവരിൽ എട്ടു പേരുടെ നില അതീവ ഗുരുതരമാണ്.