തർക്കങ്ങൾക്കൊടുവിൽ അപൂർവ തീരുമാനം; ആലപ്പുഴ നഗരസഭയിൽ അധ്യക്ഷസ്ഥാനം സിപിഎം പങ്കുവയ്ക്കും
ആലപ്പുഴ: ആലപ്പുഴ നഗരസഭയിൽ സഭാധ്യക്ഷ സ്ഥാനം സിപിഎമ്മിലെ സൗമ്യരാജും ജയമ്മയും പങ്കുവയ്ക്കും.അധ്യക്ഷ സ്ഥാനത്തെച്ചൊല്ലി സിപിഎമ്മിനുള്ളിൽ നടന്ന തർക്കങ്ങൾക്കു ശേഷമാണ് ഈ അപൂർവ തീരുമാനം. ഇരുവരും രണ്ടരവർഷം വീതം അധ്യക്ഷപദവി വഹിക്കും.
ജില്ലാ കമ്മിറ്റി, സംസ്ഥാന കമ്മിറ്റിക്കു രണ്ടര വർഷം വീതം അധികാരം പങ്കുവയ്ക്കുന്നതിന് ശുപാർശ നൽകി. സാധാരണഗതിയിൽ സിപിഎമ്മിനു ഭൂരിപക്ഷമുള്ള സ്ഥലങ്ങളിൽ അധികാരം പങ്കുവയ്ക്കുന്നതിന് സംസ്ഥാന കമ്മിറ്റി അംഗീകാരം നൽകാറില്ല. മുൻപ് , ജയമ്മയെ അധ്യക്ഷയാക്കാത്തത് പരസ്യപ്രതിഷേധത്തിന് ഇടയാക്കിയിരുന്നു.