രണ്ട് ദുബായ് വനിതകൾ എവറസ്റ്റ് കീഴടക്കി
ദുബായ് : ദുബായിൽ നിന്നുള്ള രണ്ട് വനിത പർവതാരോഹകർ ലോകത്തെ ഏറ്റവും ഉയരം കൂടിയ കൊടുമുടിയായ എവറസ്റ്റ് കീഴടക്കി. ഫാത്തിമ ഡെർയാൻ (26), ഡൊളോറസ് അൽ ഷെല്ല (29) എന്നിവരാണ് ഈ നേട്ടത്തിനർഹ രായത് .8,848 മീറ്റർ ഉയരമുള്ള എവറസ്റ്റ് കീഴടക്കാൻ ശ്രമിക്കവേ അന്തരീക്ഷ ഉൗഷ്മാവ് മൈനസ് 40 ഡിഗ്രിക്ക് താഴെയെത്തിയതിനാൽ മരിച്ചവരുടെ എണ്ണം പത്തായിരുന്നു.പർവതാരോഹണത്തിന് അനുമതി നൽകുന്ന അധികൃതർ ഒരുക്കുന്ന സൗകര്യങ്ങൾ നിലവാരം കുറഞ്ഞതാണെന്ന വിമർശനം വന്നിരുന്നെങ്കിലും ഈ വെല്ലുവിളികളെയെല്ലാം തരണം ചെയ്താണ് ഫാത്തിമ ഡെർയാനും ഡൊളോറസ് അൽ ഷെല്ലയും എവറസ്റ്റിൽ പടവുകൾ കയറിയത് . തെൻറ സ്വപ്നം സഫലമായിരിക്കുന്നുവെന്ന് ഫാത്തിമ ഡെർയാൻ പറഞ്ഞു. ലെബനാൻകാരിയാണ് ഫാത്തിമ. എവറസ്റ്റ് കീഴടക്കിയതിനെ കുറിച്ച് പറയാൻ തനിക്ക് വാക്കുകളില്ലെന്നും തെൻറ ജീവിതത്തിലെ ഏറ്റവും ദൈർഘ്യമേറിയ രണ്ട് മാസങ്ങളാണ് കഴിഞ്ഞതെന്നും ഡൊളോറസ് അൽ ഷെല്ല ഇൻസ്റ്റഗ്രാമിൽ കുറിച്ചു.381 പർവതാരോഹകർക്കാണ് നേപ്പാൾ ഇൗ വർഷത്തെ വസന്തകാല സീസണിൽ എവറസ്റ്റ് കയറാൻ അനുമതി നൽകിയത്.