ആശുപത്രി ജീവനക്കാരനെ ആക്രമിച്ച കേസിൽ പ്രതി അറസ്റ്റിൽ
പത്തനംതിട്ട: ആശുപത്രി ജീവനക്കാരനെ ആക്രമിക്കുകയും ആശുപത്രി പരിസരത്ത് ഭീകരാവസ്ഥ സൃഷ്ടിക്കുകയും ചെയ്ത കേസിലെ പ്രതി അറസ്റ്റിൽ. നവംബർ ആറിന് ഓമല്ലൂർ പ്രാഥമികാരോഗ്യ കേന്ദ്രത്തിൽ മുറിവ് ഡ്രസ് ചെയ്യുന്നതിനിടെ നഴ്സിങ് അസി. ശശിയെ രോഗിയോടൊപ്പം വന്ന കുമ്പഴ മണിയൻകുറിച്ചി വീട്ടിൽ ഷംനാദാണ് ആക്രമിച്ചത്.ഒളിവിൽപോയ പ്രതിയെ പത്തനംതിട്ട പൊലീസാണ് അറസ്റ്റ് ചെയ്തത്.കൃത്യനിർവഹണത്തിന് തടസ്സം സൃഷ്ടിച്ചതിനൊപ്പം ഹോസ്പിറ്റൽ പ്രൊട്ടക്ഷൻ ആക്ട് പ്രകാരവും കേസ് രജിസ്റ്റർ ചെയ്തിരുന്നു. 2005ൽ കോടതിയിൽ വ്യാജരേഖ ചമച്ചതിന് ഷംനാദിനെതിരെ കേസ് നിലവിലുണ്ട്. വിചാരണവേളയിൽ അന്ന് പൊലീസിനെ കബളിപ്പിച്ച് രക്ഷപ്പെട്ടിരുന്നു. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.