വെർച്വൽ റാലിയുമായി പ്രതിപക്ഷനേതാവ് രമേശ് ചെന്നിത്തല

 

 

തിരുവനന്തപുരം : എൽഡിഎഫ് സർക്കാരിന്റെ ജനവിരുദ്ധ, അഴിമതി, സ്വജനപക്ഷപാത നയങ്ങൾക്കെതിരെ വെർച്വൽ റാലിയുമായി പ്രതിപക്ഷനേതാവ് രമേശ് ചെന്നിത്തല. ഡിസംബർ അഞ്ചാം തിയതി ശനിയാഴ്ച ഉച്ചയ്ക്ക് 12 മണി മുതലാണ് യു ഡി എഫിന്റെ വെർച്വൽ റാലി. ഫേസ്ബുക്കിൽ പങ്കുവെച്ച കുറിപ്പിലൂടെയാണ് രമേശ് ചെന്നിത്തല ഈക്കാര്യം അറിയിച്ചിരിക്കുന്നത്. രമേശ് ചെന്നിത്തല ഉദ്ഘാടനം ചെയ്യുന്ന വെർച്വൽ റാലിയിൽ യു ഡി എഫ് കൺവീനർ എം എം ഹസ്സൻ അധ്യക്ഷത വഹിക്കും.

കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ, മുൻ മുഖ്യമന്ത്രി ഉമ്മൻ ചാണ്ടി, പി കെ കുഞ്ഞാലിക്കുട്ടി എം പി, പി ജെ ജോസഫ്, എൻ കെ പ്രേമചന്ദ്രൻ എം പി, അനൂപ് ജേക്കബ്, സി പി ജോൺ, ജി ദേവരാജൻ, ജോൺ ജോൺ എന്നിവരും വെർച്വൽ റാലിയിൽ പങ്കെടുക്കും.