‘ബുറേവി’ ഇന്ത്യൻ തീരത്തിന് 120 കിലോമീറ്റർ അടുത്തെത്തി; കേരളം അതീവ ജാഗ്രതയിൽ; നാല് ജില്ലകളിൽ റെഡ് അലർട്ട്
കന്യാകുമാരി: ‘ബുറേവി’ ചുഴലിക്കാറ്റ് കന്യാകുമാരി തീരത്തിന് 120 കിലോമീറ്റർ അടുത്തെത്തിയാതായി കാലാവസ്ഥ വകുപ്പിന്റെ മുന്നറിയിപ്പ്. വൈകുന്നേരത്തോടെ തമിഴ്നാട് തീരം കടക്കുമെന്നാണ് കാലാവസ്ഥ വിഭാഗത്തിന്റെ വിലയിരുത്തൽ.തമിഴ്നാട്ടിൽ കന്യാകുമാരി ഉൾപ്പടെ നാല് ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. ദേശീയ ദുരന്ത നിവാരണ സേനയെ ഉൾപ്പടെ തീരമേഖലയിൽ വിന്യസിച്ചു.കേരളത്തിലും അതീവ ജാഗ്രതാ നിർദേശമാണ് നൽകിയിരിക്കുന്നത്. തെക്കൻ കേരളത്തിൽ ഇന്ന് രാത്രി മുതൽ ശക്തമായ മഴയ്ക്ക് സാധ്യതയുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ റെഡ് അലർട്ടും പ്രഖ്യാപിച്ചു.