ആര്യ ചിത്രം ‘സര്പ്പാട്ട പരമ്പരൈ’യുടെ ഫസ്റ്റ്ലുക്ക് പോസ്റ്റർ പുറത്തുവിട്ടു.!
Dec 2, 2020, 15:09 IST
ആര്യ നായകനാക്കി പാ രഞ്ജിത്ത് ചിത്രം ഒരുക്കുന്ന ‘സര്പ്പാട്ട പരമ്പരൈ’യുടെ ഫസ്റ്റ്ലുക്ക് പോസ്റ്റർ പുറത്തുവിട്ടു. ബോക്സര് ആയുള്ള ആര്യയുടെ രൂപമാറ്റമാണ് ആരാധകര് ഏറ്റെടുത്തിരിക്കുന്നത്. അമ്പരിപ്പിക്കുന്ന മേക്കോവറിലാണ് താരം പ്രത്യക്ഷപ്പെട്ടിരിക്കുന്നത്. ബോക്സിംഗ് റിങ്ങിനുള്ളില് ആര്യ നില്ക്കുന്നതായാണ് പോസ്റ്റര്.
1970-80 കാലഘട്ടത്തിലെ നോര്ത്ത് മദ്രാസിലെ സര്പ്പാട്ട പരമ്പരൈ എന്ന ബോക്സിംഗ് താരങ്ങളുടെ ചരിത്രവും ജീവിതവും രാഷ്ട്രീയവുമാണ് ചിത്രം പറയുക. മദ്രാസ്, കബാലി, കാലാ എന്നീ സിനിമകള്ക്ക് ശേഷം പാ രഞ്ജിത്ത് ഒരുക്കുന്ന ചിത്രമാണിത്. ആര്യയുടെ മുപ്പതാമത് ചിത്രം കൂടിയാണ് സര്പ്പാട്ട.