ഓഡി 8.50 ലക്ഷം ഡീസൽ കാറുകൾ തിരിച്ചുവിളിക്കാൻ ഒരുങ്ങുന്നു
Jul 22, 2017, 08:47 IST
ഫ്രാങ്ക്ഫര്ട്ട്: ജർമൻ വാഹന നിർമാതാക്കളായ ഓഡി എജി 850,000 ഡീസൽ കാറുകൾ തിരിച്ചുവിളിക്കാൻ ഒരുങ്ങുന്നു. യുഎസ്, കാനഡ ഒഴികെയുള്ള രാജ്യങ്ങളിൽ വിറ്റഴിക്കപ്പെട്ട ആറ്, എട്ട് സിലിണ്ടര് ഡീസല് എന്ജിനുള്ള കാറുകളാണ് തിരിച്ചുവിളിക്കുന്നത്. കാറുകളിലെ മലിനീകരണ സംവിധാനം കാര്യക്ഷമമാക്കാനാണ് നടപടി. മലിനീകരണം സംബന്ധിച്ച വിവാദത്തിൽ കുടുങ്ങിയതിന് ശേഷം ഇയു5, ഇയു6 ഡീസൽ എൻജിനുള്ള കാറുകളിൽ റെട്രോഫിറ്റ് ചെയ്യാമെന്ന് ഓഡി വാഗ്ദാനം കൊടുത്തിരുന്നു. ഇതേ എൻജിനുള്ള പോർഷെ, ഫോക്സ്വാഗൺ വാഹനങ്ങൾക്കും സൗജന്യ സേവനം ലഭ്യമാണെന്ന് ഓഡി അറിയിച്ചു.