നിയ​ന്ത്രണം ലംഘിച്ചാൽ ഹോട്ടലുകൾക്കും വഴിയോര ഭക്ഷണശാലകൾക്കുമെതിരെ കർശന നടപടി; മുഖ്യമന്ത്രി

തിരുവനന്തപുരം: കോവിഡ് നിയ​ന്ത്രണങ്ങൾ ലംഘിച്ചാൽ ഹോട്ടലുകൾക്കും വഴിയോര ഭക്ഷണശാലകൾക്കുമെതിരെ കർശന നടപടിയെന്ന് മുഖ്യമന്ത്രി പിണറായി വിജയൻ. വിദേശരാജ്യങ്ങളിൽ കോവിഡ്​ വ്യാപനത്തിന്റെ രണ്ടാം ഘട്ടം ഹോട്ടലുകളിലും പബ്ബുകളിലുമാണ്​ റിപ്പോർട്ട്​ ചെയ്യപ്പെടുന്നതെന്നും ഇക്കാര്യത്തിൽ കേരളവും ശ്രദ്ധിക്കണമെന്നും മുഖ്യമന്ത്രി അറിയിച്ചു. സാമൂഹിക അകലം കർശനമായി പാലിക്കണം. ഹോട്ടലുകളിലെ എ.സി മുറികളിൽ അകലം പാലിക്കാതെ ആളുകൾ തിങ്ങിനിറഞ്ഞ് ഇരിക്കരുത്. ഇത്തരം സംഭവങ്ങൾ ശ്രദ്ധയിൽപ്പെട്ടാൽ കർശനമായ നടപടികൾ സ്വീകരിക്കുമെന്നും മുഖ്യമന്ത്രി അറിയിച്ചു.