സിബിഐക്ക് അന്വേഷണം നടത്തണമെങ്കിൽ സംസ്ഥാനത്തിന്റെ അനുമതി ആവശ്യമാണെന്ന് സുപ്രീംകോടതി
ന്യൂഡൽഹി: സിബിഐക്ക് അന്വേഷണം നടത്തണമെങ്കിൽ സംസ്ഥാനത്തിന്റെ അനുമതി ആവശ്യമാണെന്ന് സുപ്രീംകോടതി. സർക്കാർ ജീവനക്കാരോ സംവിധാനങ്ങളോ ഉൾപ്പെട്ട കേസിൽ അന്വേഷണത്തിന് സർക്കാരുടെ അനുമതി വാങ്ങണം. എന്നാൽ സ്വകാര്യ വ്യക്തികൾക്കെതിരെ കേസെടുക്കാനും അന്വേഷണത്തിനും സിബിഐക്ക് അനുവാദം ആവശ്യമില്ലെന്നും കോടതി വ്യക്തമാക്കി. ഉത്തർപ്രദേശിലെ ഒരു കേസിലാണ് സുപ്രീംകോടതിയുടെ നിർണായക ഉത്തരവ്. അടുത്തിടെ അനുമതിയില്ലാതെയുള്ള സിബിഐ അന്വേഷണത്തിന് കേരളവും വിലക്കേർപ്പെടുത്തിയിരുന്നു. എന്നാൽ നിലവിൽ അന്വേഷിക്കുന്ന കേസുകൾക്ക് വിലക്ക് ബാധകമല്ല.