ലോകത്തിലെ ഏറ്റവും ഉയരം കൂടിയ പർവതമായ എവറസ്റ്റ് ഉൾപ്പെടെ രണ്ടു കൊടുമുടികൾ ആറു ദിവസത്തിനുള്ളിൽ കീഴടക്കിയ ഇന്ത്യക്കാരൻ കൗതുകമായി

കാഠ്മണ്ഡു∙ ലോകത്തിലെ ഏറ്റവും ഉയരം കൂടിയ പർവതമായ എവറസ്റ്റ് ഉൾപ്പെടെ രണ്ടു കൊടുമുടികൾ ആറു ദിവസത്തിനുള്ളിൽ കീഴടക്കിയ ഇന്ത്യക്കാരൻ കൗതുകമായി. മുംബൈ സ്വദേശിയായ കേവൽ ഹിരൻ കക്ക(28) ഈ മാസം 16നാണ് 8,848 മീറ്റർ ഉയരമുള്ള എവറസ്റ്റിന്റെ നെറുകയിൽ തൊട്ടത്.ഒരാഴ്ച പിന്നിടുന്നതിനു മുൻപേ 8,526 മീറ്റർ ഉയരമുള്ള ലോസ്തെ കൊടുമുടിയും കീഴടക്കി.മേയ് 14ന് ഈ വർഷത്തെ മലകയറ്റ സീസൺ ആരംഭിച്ചതിനു തൊട്ടുപിന്നാലെയുണ്ടായ നേട്ടം പർവതാരോഹകർക്ക് ആവേശമായി.