വിവിപാറ്റ് പേപ്പർ സ്ലിപ്പുകൾ ആദ്യം എണ്ണണമെന്ന പ്രതിപക്ഷ പാർട്ടികളുടെ ആവശ്യം തള്ളി തെരഞ്ഞെടുപ്പ് കമ്മീഷൻ
ന്യൂഡൽഹി: വിവിപാറ്റ് പേപ്പർ സ്ലിപ്പുകൾ ആദ്യം എണ്ണണമെന്ന പ്രതിപക്ഷ പാർട്ടികളുടെ ആവശ്യം തള്ളി തെരഞ്ഞെടുപ്പ് കമ്മീഷൻ. വിവി പാറ്റുകൾ ആദ്യം എണ്ണിയാൽ ഫലസൂചന വൈകുമെന്ന് മുഖ്യ തെരഞ്ഞെടുപ്പ് കമ്മീഷണർ സുനിൽ അറോറ പറഞ്ഞു.
വോട്ടിംഗ് യന്ത്രങ്ങൾ ആദ്യം എണ്ണുമെന്നും കമ്മീഷൻ വ്യക്തമാക്കി. വിവി പാറ്റുകൾ ആദ്യം എണ്ണിയാൽ അന്തിമ ഫലപ്രഖ്യാപനം ദിവസങ്ങൾ വൈകുമെന്നും കമ്മീഷൻ കൂട്ടിച്ചേർത്തു. പ്രതിപക്ഷത്തിന്റെ പരാതിയെ തുടർന്നു ഇന്ന് കമ്മീഷൻ യോഗം ചേർന്നിരുന്നു. മുഖ്യ തെരഞ്ഞെടുപ്പ് കമ്മീഷണർ സുനിൽ അറോറ, കമ്മീഷണർമാരായ അശോക് ലവാസ, സുശീൽ ചന്ദ്ര എന്നിവർ യോഗത്തിൽ പങ്കെടുത്തു.