ഫോർമുല വണ് ഇതിഹാസ താരം നിക്കി ലൗഡ അന്തരിച്ചു
May 21, 2019, 12:10 IST
വിയന്ന: ഫോർമുല വണ് ഇതിഹാസ താരം നിക്കി ലൗഡ (70) അന്തരിച്ചു. തിങ്കളാഴ്ചയായിരുന്നു അന്ത്യം. അദ്ദേഹത്തിന്റെ കുടുംബാംഗങ്ങൾ ഓസ്ട്രിയൻ മാധ്യമങ്ങളോട് ഇക്കാര്യം സ്ഥിരീകരിച്ചു. എട്ടുമാസം മുന്പ് ലൗഡ ശ്വാസകോശ മാറ്റിവയ്ക്കൽ ശസ്ത്രക്രിയയ്ക്കു വിധേയനായിരുന്നു.
ഫോർമുല വണ് ഡ്രൈവർമാരുടെ ലോകചാന്പ്യൻഷിപ്പ് മൂന്നുവട്ടം നേടിയ താരമാണ് ലൗഡ. 1975, 77 വർഷങ്ങളിൽ ഫെറാരിക്കൊപ്പവും 1984-ൽ മക്ലാരനൊപ്പവുമായിരുന്നു നേട്ടങ്ങൾ. 2012 മുതൽ മെഴ്സിഡസിന്റെ നോണ് എക്സിക്യുട്ടീവ് ചെയർമാനാണ് ലൗഡ.