തിരുവനന്തപുരം ടെക്നോ പാർക്ക് : മൂന്നാംഘട്ട നിര്മാണ പ്രവര്ത്തനങ്ങള്ക്ക് അനുമതി നൽകി സുപ്രീം കോടതി
ന്യൂഡല്ഹി: തിരുവനന്തപുരം ടെക്നോ പാര്ക്കിന്റെ മൂന്നാംഘട്ട നിര്മാണ പ്രവര്ത്തനങ്ങള്ക്ക് സുപ്രീം കോടതിയുടെ അനുമതി. നിര്മാണ പ്രവര്ത്തനങ്ങള് തണ്ണീര്ത്തടം നികത്തിയാണെന്ന് ചൂണ്ടിക്കാട്ടി പരിസ്ഥിതി പ്രവര്ത്തകനായ തോമസ് ലോറന്സ് നല്കിയ ഹര്ജി ജസ്റ്റീസ് രോഹിന്ടണ് നരിമാന് അധ്യക്ഷനായ ബെഞ്ച് തള്ളി.
നിര്മാണ പ്രവര്ത്തനങ്ങള് നടക്കുന്നത് തണ്ണീര്ത്തടത്തിലല്ലെന്നും പരിസ്ഥിതി ആഘാതം ഉണ്ടാകില്ലെന്നും തിരുവനന്തപുരം ജില്ലാ കളക്ടര് റിപ്പോര്ട്ട് നല്കിയിരുന്നു. തണ്ണീര്ത്തട സംരക്ഷണത്തിനുള്ള 2008ലെ കേരളാ നിയമവും 2017ലെ കേന്ദ്ര നിയമവും ലംഘിച്ചാണ് നിര്മാണ പ്രവര്ത്തനങ്ങള്ക്ക് സര്ക്കാര് അനുമതി നല്കിയതെന്നാണ് ഹര്ജിക്കാരന്റെ വാദം.