വരവീണാ വാദിനീ…പിന്നണി ഗായിക പി .വി .പ്രീത പാടിയ ദേവീഗീതം ശ്രദ്ധേയമാകുന്നു
ഫ്രണ്ട്സ് മീഡിയ ക്രീയേഷന്സിന്റെ ബാനറിൽ പിന്നണി ഗായിക പി .വി .പ്രീത പാടിയ ദേവീഗീതം ശ്രദ്ധേയമാകുന്നു ..ഡോ .അബ്ദുൾ നിസാറി ന്റെ വരികൾക്ക് ജയകുമാർ ആദിനാട് സംഗീതം നൽകിയ ഈ ഗാനം പി.വി.പ്രീത അതീവ ഹൃദ്യമായി ആലപിച്ചിരിക്കുന്നു . മുഖാരി എന്ന രാഗത്തെ അടിസ്ഥാനമാക്കി ഭക്തിയുടെ നിറവിൽ ചിട്ടപ്പെടുത്തിയ ഈ സരസ്വതീ സ്തുതി ഈ നവരാത്രികാലത്ത് ശ്രോതാക്കളുടെ ഹൃദയത്തിൽ തേൻമഴ പൊഴിക്കും എന്നതിൽ സംശയമില്ല.!
മുൻപ് ശ്രദ്ധേയമായ പല ആൽബങ്ങളും നിസാർ -ജയകുമാർ കൂട്ടുകെട്ടിൽ പുറത്തിറങ്ങിയിട്ടുണ്ട്. പന്തളം ബാലൻ, രവിശങ്കർ , അൻവർ സാദത്ത് , മണക്കാട് ഗോപൻ , രാജീവ് കോടമ്പള്ളി , പി വി പ്രീത , അപർണ്ണ സുരേഷ്, ഗായത്രി വിനോദ് തുടങ്ങിയ പ്രശസ്ത ഗായക നിര ഈ കൂട്ടുകെട്ടിന്റെ ഗാനങ്ങൾക്ക് ശബ്ദസാന്നിദ്ധ്യമായിട്ടുണ്ട്. ഡോ .നിസാർ , ഡോ. ചേരാവള്ളി ശശി, ഗോപകുമാർ വടക്കുംതല , കെ .ജി .സുഭാഷ്കുമാർ, സജു ജോർജ് തുടങ്ങിയവരുടെ രചനയിൽ പുതിയ ആൽബങ്ങളുടെ പ്രവർത്തങ്ങളിലാണ് സംഗീത സംവിധായകൻ ജയകുമാർ ആദിനാട് . അവയും ശ്രോതാക്കൾക്ക് ഹൃദ്യമായ ഗാനങ്ങൾ സമ്മാനിക്കും എന്ന് പ്രത്യാശിക്കാം!