കേരളത്തിലെ ഉള്ളി വിലക്കയറ്റം നിയന്ത്രിക്കാന്‍ നടപടിയുമായി ഹോര്ട്ടികോര്പ്
തിരുവനന്തപുരം: കേരളത്തിലെ ഉള്ളി വിലക്കയറ്റം നിയന്ത്രിക്കാന്‍ നടപടിയുമായി ഹോര്ട്ടികോര്പ്. നാഫെഡ് വഴി ഇറക്കുമതി ചെയ്ത ആദ്യ ലോഡ് സവാള തിരുവനന്തപുരത്ത് എത്തി. 25 ലോഡ് സവാളയാണ് ഇന്ന് എത്തിച്ചത്. സംസ്ഥാനത്ത് കിലോയ്ക്ക് 45 രൂപയ്ക്ക് സാവാള നല്‍കുമെന്ന് ഹോര്ടികോര്പ് എംഡി വി.സജീവ് നേരത്തെ അറിയിച്ചിരുന്നു.
വില പിടിച്ചുനിര്‍ത്താനായി ഇറക്കുമതി വര്‍ധിപ്പിക്കുകയാണ് സര്‍ക്കാര്‍. ഇറാന്‍, ഈജിപ്റ്റ് എന്നീ രാജ്യങ്ങളില്‍നിന്ന് 2,000 ടണ്‍ വിദേശ സവാള ബുധനാഴ്ച മുംബൈ ജെഎന്‍പിടി തുറമുഖത്ത് എത്തി. 2,900 ടണ്‍ മൂന്നു ദിവസത്തിനകം എത്തും. നാഫെഡ് വഴി 200 ടണ്‍ സവാള മഹാരാഷ്ട്രയില്‍നിന്ന് എത്തിക്കുന്നതിനാണ് തീരുമാനം. ആദ്യഘട്ടത്തില്‍ 75 ടണ്‍ എത്തിക്കും. കിലോയ്ക്ക് 45 രൂപയ്ക്കാണ് ഹോര്ട്ടികോര്പ് വില്‍പനശാലകള്‍ വഴി വില്‍ക്കുക.