എറണാകുളം ജില്ല ജയിലിൽ പെട്രോൾ പമ്പ്
തിരുവനന്തപുരം: തിരുവനന്തപുരം വനിത ജയിലിലും എറണാകുളം ജില്ല ജയിലിലും പെട്രോൾ പമ്പ് സ്ഥാപിക്കുന്നു. ഇതു സംബന്ധിച്ചു ആഭ്യന്തര വകുപ്പിന്റെ ഭരണാനുമതി ലഭിച്ചതായി ജയിൽ മേധാവി ഋഷിരാജ്സിംഗ് പറഞ്ഞു. വനിത ജയിലിലെ പത്ത് അന്തേവാസികൾക്ക് ഇതുവഴി തൊഴിൽ നൽകാനാകും. രാജ്യത്തെ ഒരു വനിത ജയിലിൽ നടത്തുന്ന പ്രഥമ സംരംഭമായിരിക്കും ഇത്.
നിലവിൽ തിരുവനന്തപുരം, വിയ്യൂർ, കണ്ണൂർ, സെൻട്രൽ ജയിലുകളിലും ചീമേനി തുറന്ന ജയിലിലും ഇന്ത്യൻ ഓയിൽ കോർപറേഷന്റെ സഹകരണത്തോടെ പെട്രോളിയം ഔട്ട്ലെറ്റുകൾ സ്ഥാപിച്ചിട്ടുണ്ട്. ഓരോ പമ്പിലും പതിനഞ്ചോളം അന്തേവാസികൾക്കു തൊഴിൽ നൽകുന്നുണ്ട്.