കെവിന് വധക്കേസ്; സാക്ഷിയെ മര്ദ്ദിച്ച പ്രതികളുടെ ജാമ്യം റദ്ദാക്കി
May 20, 2019, 18:55 IST
കോട്ടയം: കെവിന് വധക്കേസില് സാക്ഷിയെ മര്ദ്ദിച്ച പ്രതികളുടെ ജാമ്യം റദ്ദാക്കി. കേസിലെ മുപ്പത്തിയേഴാം സാക്ഷി രാജേഷിനെ മര്ദ്ദിച്ച മനു, ഷിനു എന്നിവരുടെ ജാമ്യമാണ് റദ്ദാക്കിയത്. കേസിലെ ആറാം പ്രതിയാണ് മനു. 13-ാം പ്രതിയാണ് ഷിനു. കോടതിയില് സാക്ഷി പറയരുതെന്ന് ഭീഷണിപ്പെടുത്തിയായിരുന്നു രാജേഷിനെ മര്ദ്ദിച്ചത്.രാജേഷിനെ മര്ദ്ദിച്ച കേസില് പുനലൂര് പോലീസ് ഇവരെ അറസ്റ്റു ചെയ്തിരുന്നു. തട്ടിക്കൊണ്ട് പോകല്, സാക്ഷിയെ സ്വാധീനിക്കാന് ശ്രമിക്കല് എന്നീ വകുപ്പുകള് ചുമത്തി ഇവര്ക്കെതിരെ കേസെടുത്തു.