Times Kerala

പഞ്ചാബിന് തുടർച്ചയായ മൂന്നാം ജയം

 
പഞ്ചാബിന് തുടർച്ചയായ മൂന്നാം ജയം

ഡൽഹി ക്യാപിറ്റൽസിനെതിരെ കിംഗ്സ് ഇലവൻ പഞ്ചാബിന് അനായാസ ജയം. 5 വിക്കറ്റിനാണ് പഞ്ചാബ് ടേബിൾ ടോപ്പർമാരെ കീഴ്പ്പെടുത്തി സീസണിലെ തുടർച്ചയായ മൂന്നാം ജയം കുറിച്ചത്. 165 റൺസിൻ്റെ വിജയലക്ഷ്യവുമായി ഇറങ്ങിയ പഞ്ചാബ് 19 ഓവറിൽ 5 വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു. 53 റൺസെടുത്ത നിക്കോളാസ് പൂരാനാണ് പഞ്ചാബിൻ്റെ ടോപ്പ് സ്കോറർ. ഗ്ലെൻ മാക്സ്‌വെൽ (32), ക്രിസ് ഗെയിൽ (29) എന്നിവരും പഞ്ചാബിനായി തിളങ്ങി.

നാലാം വിക്കറ്റിൽ ഒത്തുചേർന്ന ഗ്ലെൻ മാക്സ്‌വൽ-നിക്കോളാസ് പൂരാൻ സഖ്യമാണ് കിംഗ്സ് ഇലവനെ അനായാസ ജയത്തിലേക്ക് നയിച്ചത്. ഡൽഹി പാളയത്തിലേക്ക് ആക്രമണം അഴിച്ചുവിട്ട പൂരാൻ 27 പന്തുകളിൽ ഫിഫ്റ്റി തികച്ചു. തൊട്ടുപിന്നാലെ അദ്ദേഹം പുറത്തായി. പുറത്താവുമ്പോൾ 28 പന്തുകളിൽ 53 റൺസ് എടുത്തിരുന്ന താരം 69 റൺസിൻ്റെ നാലാം വിക്കറ്റ് കൂട്ടുകെട്ടിനു ശേഷമാണ് മടങ്ങിയത്.

Related Topics

Share this story