രാജ്യത്ത് മൂന്ന് സംസ്ഥാനങ്ങളില് സ്കൂളുകള് തുറന്നു
ന്യൂഡല്ഹി: രാജ്യത്ത് കോവിഡ് വ്യാപനത്തിന്റെ പശ്ചാത്തലത്തില് അടച്ചിട്ട മൂന്ന് സംസ്ഥാനങ്ങളിലെ സ്കൂളുകള് തുറന്നു. പഞ്ചാബ്, ഉത്തര്പ്രദേശ്, സിക്കിം എന്നീ സംസ്ഥാനങ്ങളിലാണ് ഏതാനും ക്ലാസുകള് പുനഃരാരംഭിച്ചത്. ഏഴ് മാസം വരെ അടച്ചിട്ട ശേഷമാണ് ഈ സംസ്ഥാനങ്ങളില് സ്കൂളുകള് തുറന്നിരിക്കുന്നത്.എന്നാല് വിദ്യാര്ഥികളെ ആരെയും സ്കൂളില് വരാന് നിര്ബന്ധിക്കില്ല. സ്കൂളിലെ ക്ലാസുകള്ക്കൊപ്പം ഓണ്ലൈന് ക്ലാസുകളും തുടരും. പഞ്ചാബിലും ഉത്തര്പ്രദേശിലും 9 മുതല് 12 വരെ ക്ലാസുകളിലും വിദ്യാര്ഥികള് രക്ഷാകര്ത്താക്കളുടെ സമ്മതത്തോടെയാണ് സ്കൂളില് വരേണ്ടത്. ഷിഫ്റ്റുകളിലാണ് ക്ലാസുകള് നടക്കുക. സാമൂഹിക അകലം, പരിസര ശുചിത്വം എന്നിവ ഉള്പ്പെടെ ആവശ്യമായ എല്ലാ പ്രോട്ടോകോളുകളും സ്കളൂകള് പിന്തുടരണം.സ്കൂളിലെത്തുമ്പോള് മാസ്കൂം കൈയുറകളും ധരിക്കണം. നീളന് കൈയുള്ള വസ്ത്രമാണ് ധരിക്കേണ്ടത് തുടങ്ങിയ നിര്ദേശങ്ങളും നല്കിയിട്ടുണ്ട്.