2,500 രൂപയ്ക്ക് 5ജി സ്മാര്ട്ട്ഫോണ്; പുതിയ പദ്ധതിയുമായി ജിയോ
Oct 19, 2020, 12:52 IST
ന്യൂഡല്ഹി : 5ജി സ്മാര്ട്ട്ഫോണ് 2,500 രൂപയ്ക്ക് ലഭ്യമാക്കാനുള്ള പുതിയ പദ്ധതി ജിയോ പരിഗണിക്കുന്നതായി റിപ്പോർട്ട്. റിലയന്സുമായി ബന്ധപ്പെട്ട വൃത്തങ്ങളില് നിന്നാണ് ഇത്തരത്തിൽ ഒരു സൂചന ലഭിച്ചത്. തുടക്കത്തില് 5000 രൂപ നിലവാരത്തിലായിരിക്കും ഫോണ് പുറത്തിറക്കുകയെങ്കിലും വിപണിയില് ആവശ്യകത വര്ധിക്കുന്നതിനനുസരിച്ച് 2,500 മുതൽ 3000 രൂപ നിലവാരത്തിലേയ്ക്ക് വിലകുറയ്ക്കാനാണ് നീക്കം.35 കോടിയോളംവരുന്ന 2ജി ഉപഭോക്താക്കളെ ലക്ഷ്യമിട്ടാണ് ജിയോയുടെ നീക്കം.5ജി സ്മാര്ട്ട്ഫോണിന്റെ വില നിലവില് 27,000 രൂപയിലാണ് ആരംഭിക്കുന്നത്. അതേസമയം, ഇതേക്കുറിച്ച് ഔദ്യോഗികമായി പ്രതികരിക്കാന് റിലയന്സ് തയ്യാറായിട്ടില്ല.