Nature

സ്ത്രീധനത്തർക്കം; സ്​കൂൾ അധ്യാപകൻ ഭാര്യയെയും കുഞ്ഞുങ്ങളെയും ​കൊന്ന്​ കിണറ്റിലെറിഞ്ഞു

ഡൽഹി: സ്​ത്രീധനവുമായി ബന്ധപ്പെട്ട് ഉണ്ടായ തർക്കത്തിനൊടുവിൽ ഭാര്യയെയും കുഞ്ഞുങ്ങളെയും ​കൊന്ന്​ കിണറ്റിലെറിഞ്ഞു സ്​കൂൾ അധ്യാപകൻ. ജാർഖണ്ഡിലെ പാലാമു ജില്ലയിലെ രാജ്​ഹാര ഗ്രാമത്തിലാണ്​ സംഭവം. 25വയസുകാരി സോണി ദേവി, അഞ്ചുവയസായ മകൾ സമൃദ്ധി, മൂന്നുവയസായ മകൻ സംദർശി എന്നിവരെയാണ്​ കൊലപ്പെടുത്തിയത്​. സംഭവത്തിൽ സോണിയുടെ​ ഭർത്താവ്​ ആശിഷ്​ പാണ്ഡെയെയും നാലു ബന്ധുക്കളെയും പൊലീസ്​ അറസ്​റ്റ്​ ചെയ്തു.

ഇതിനിടെ ഭാര്യയെയും കുഞ്ഞുങ്ങളെയും കാൺമാനില്ലെന്ന്​ ചൂണ്ടിക്കാട്ടി ആശിഷ്​ പാണ്ഡെ പൊലീസിൽ പരാതി നൽകിയിരുന്നു.സംശയം തോന്നിയ പോലീസ്​ നടത്തിയ ചോദ്യം ചെയ്യലിൽ ഭാര്യയെയും കുഞ്ഞുങ്ങളെയും താൻ തന്നെ ​കൊലപ്പെടുത്തിയതായി പ്രതി സമ്മതിക്കുകയായിരുന്നു.

വ്യാഴാഴ്​ച രാത്രി മൂവരെയും കൊലപ്പെടുത്തിയശേഷം ദേശീയപാത 75ന്​ സമീപമുള്ള കിണറ്റിലെറിഞ്ഞു. കിണറ്റിൽനിന്ന്​ പൊലീസ്​ മൃതദേഹങ്ങൾ കണ്ടെടുത്തു.പെൺകുട്ടിയുടെ പിതാവ്​ ആശിഷ്​ പാണ്ഡെക്കെതിരെ പരാതി നൽകിയിരുന്നു. കൂടാതെ ആശിഷിന്റെ സഹോദരനും ഭാര്യയും മാതാപിതാക്കളും ശാരീരികമായും മാനസികമായും സോണി ദേവിയെ പീഡിപ്പിച്ചതായും പരാതിയിൽ പറയുന്നു.

2014നായിരുന്നു ഇരുവ​രുടെയും വിവാഹം. ശേഷം സ്​ത്രീധനം ആവശ്യപ്പെട്ട്​​ വഴക്ക്​ പതിവായിരുന്നതായി അയൽവാസികളും പറയുന്നു.

Follow Us On Helo, Facebook, Telegram. Subscribe to Our Youtube Channel
You might also like

Leave A Reply

Your email address will not be published.