Nature

വാ​ക്‌​സി​ന്‍റെ ല​ഭ്യ​ത വേ​ഗ​ത്തി​ലാ​ക്ക​ണം; കോവിഡ് പ്രതിരോധത്തിൽ അലംഭാവം പാടില്ല: പ്ര​ധാ​ന​മ​ന്ത്രി

ന്യൂ​ഡ​ല്‍​ഹി: കോ​വി​ഡ് പ്ര​തി​രോ​ധ​ത്തി​ല്‍ അ​ലം​ഭാ​വം പാ​ടി​ല്ലെ​ന്നും വാ​ക്‌​സി​ന്‍റെ ല​ഭ്യ​ത വേ​ഗ​ത്തി​ലാ​ക്ക​ണ​മെ​ന്നും പ്ര​ധാ​ന​മ​ന്ത്രി നരേന്ദ്ര മോദി ആ​വ​ശ്യ​പ്പെ​ട്ടു. രാ​ജ്യ​ത്തെ പ്ര​തി​ദി​ന കോ​വി​ഡ് ബാ​ധി​ത​രു​ടെ എ​ണ്ണ​ത്തി​ല്‍ കു​റ​വു​ണ്ടാ​യ​തി​ന്‍റെ പേ​രി​ല്‍ ഒ​രു വി​ധ​ത്തി​ലു​ള്ള അ​ലം​ഭാ​വ​വും ഉ​ണ്ടാ​ക​രു​തെ​ന്നും മോ​ദി നി​ര്‍​ദേ​ശി​ച്ചു. ഡ​ല്‍​ഹി​യി​ല്‍ ശനിയാഴ്ച ന​ട​ന്ന കോ​വി​ഡ് അ​വ​ലോ​ക​ന യോ​ഗ​ത്തി​ല്‍ സം​സാ​രി​ക്കു​ക​യാ​യി​രു​ന്നു പ്ര​ധാ​ന​മ​ന്ത്രി. കേ​ന്ദ്ര ആ​രോ​ഗ്യ മ​ന്ത്രി ഡോ. ​ഹ​ര്‍​ഷ​വ​ര്‍​ധ​ന്‍, പ്ര​ധാ​ന​മ​ന്ത്രി​യു​ടെ പ്രി​ന്‍​സി​പ്പ​ല്‍ സെ​ക്ര​ട്ട​റി നൃ​പേ​ന്ദ്ര മി​ശ്ര, നീ​തി ആ​യോ​ഗ് ആ​രോ​ഗ്യ അം​ഗം ഡോ. ​വി.​കെ. പോ​ള്‍, മു​തി​ര്‍​ന്ന ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ അ​വ​ലോ​ക​ന​ത്തി​ല്‍ പ​ങ്കെ​ടു​ത്തു.

ലോ​ക​മെ​ങ്ങും പ്ര​തി​രോ​ധ വാ​ക്‌​സി​ന്‍ വേ​ഗം ന​ല്‍​കാ​നാ​ക​ണം ഇ​ന്ത്യ​യു​ടെ ല​ക്ഷ്യ​മെ​ന്നു മോ​ദി പ​റ​ഞ്ഞു. ഇ​ന്ത്യ​യി​ല്‍ മൂ​ന്നു വാ​ക്‌​സി​നു​ക​ള്‍ അ​ന്തി​മ ഘ​ട്ട​ത്തി​ലാ​ണെ​ന്ന് ആ​രോ​ഗ്യ​മ​ന്ത്രാ​ല​യ​ത്തി​ലെ ഉ​ന്ന​ത​ര്‍ യോ​ഗ​ത്തി​ല്‍ അ​റി​യി​ച്ചു. മൂ​ന്നാം ഘ​ട്ട​ത്തി​ലു​ള്ള ഒ​രു വാ​ക്‌​സി​ന്‍ അ​ടു​ത്ത മാ​ര്‍​ച്ചോ​ടെ ജ​ന​ങ്ങ​ള്‍​ക്കു ന​ല്‍​കാ​നാ​കും. മ​റ്റു ര​ണ്ടു വാ​ക്‌​സി​നു​ക​ള്‍ ര​ണ്ടാം ഘ​ട്ട​ത്തി​ലാ​ണ്.

ശ്രീ​ല​ങ്ക, നേ​പ്പാ​ൾ, ബം​ഗ്ലാ​ദേ​ശ്, അ​ഫ്ഗാ​നി​സ്ഥാ​ന്‍, മൗ​റീ​ഷ്യ​സ്, മാ​ലി​ദ്വീ​പ്, ഭൂ​ട്ടാ​ന്‍ തു​ട​ങ്ങി​യ രാ​ജ്യ​ങ്ങ​ളു​ടെ ഗ​വേ​ഷ​ണ സം​വി​ധാ​നം ശ​ക്തി​പ്പെ​ടു​ത്താ​നും ഇ​ന്ത്യ സ​ഹ​ക​രി​ക്കു​ന്നു​ണ്ട്. കോ​വി​ഡ് വ്യാ​പ​നം ഏ​റ്റ​വും രൂ​ക്ഷ​മാ​യ കേ​ര​ളം, ക​ര്‍​ണാ​ട​ക, രാ​ജ​സ്ഥാ​ൻ, ഛത്തി​സ്ഗ​ഡ്, പ​ശ്ചി​മ ബം​ഗാ​ള്‍ എ​ന്നീ സം​സ്ഥാ​ന​ങ്ങ​ളി​ലേ​ക്കാ​ണു പ്ര​ത്യേ​ക ഉ​ന്ന​തത​ല സം​ഘ​ത്തെ അ​യ​ച്ച​തെ​ന്നു കേ​ന്ദ്ര ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി.

Follow Us On Helo, Facebook, Telegram. Subscribe to Our Youtube Channel
You might also like

Leave A Reply

Your email address will not be published.